"Манчестер Юнайтед" ҳужумчиси Маркус Рэшфорд "Лутон Таун"га қарши АПЛнинг 12-тур учрашувида майдонга тушди.
Бу ўйин футболчининг "Манчестер Юнайтед" сафида Англия чемпионатидаги 250-ўйини бўлди.
Squawka портали маълумотларига кўра, Рэшфорд 26 ёшу 11 кунлигида ушбу маррага эришган ва АПЛда 250 та ўйин ўтказган "Манчестер Юнайтед" тарихидаги энг ёш ўйинчига айланди.
"Манчестер Юнайтед"нинг Премьер-лигадаги ўйинлари бўйича рекордчи - Райан Гиггз (632). Рэшфорд эса Микаэль Сильвестрни ортда қолдириб, 16-ўринга кўтарилди. Яқин келажакда Рэшфорд Питер Шмейхель (252) ва Жон О’Ши (257)ни ҳам ортда қолдириши мумкин.
