"Челси" бош мураббийи Маурисио Почеттино "Манчестер Сити"га қарши ўйин олдидан Эрлинг Холанднинг хавфи ҳақидаги саволга жавоб берди.
Норвегиялик юлдуз жорий Премьер-лигада 11 учрашувда 11 та гол урди. Якшанба куни форвард "Стэмфорд Бриж"да "Челси"ни хафа қилишга уриниб кўради.
"Холандни ушлаб туриш учун сиз тез югуришингиз, диққатни жамлашингиз ва унинг ҳаракатларини олдиндан билишингиз керак. Жарима майдонида қандай ҳимояланишни аниқ билишинг керак, чунки у баланд. Биз ундан олдин сакрашимиз керак", - дея Почеттино сўзларидан иқтибос келтиради MailSport.
“Челси” – “Манчестер Сити” учрашуви Тошкент вақти билан соат 21:30да бошланади.