Ҳужумчи Мэйсон Гринвуд доимий равишда “Хетафе”га ўтиши мумкин.
"Манчестер Юнайтед"га тегишли 22 ёшли футболчи фаолиятини жонлантириш учун жорий мавсум охиригача ижарага берилганди. The Sun хабарига кўра, "Хетафе" инглиз футболчиси билан тўлиқ шартнома имзолашни расмийлаштирмоқчи ва бу масала аллақачон "қизил иблислар" раҳбарияти билан муҳокама қилинган. Томонлар ижара муддатини яна бир мавсумга узайтиришга келишиб олишлари эҳтимоли катта.
Гринвуднинг ўзи ҳам "Хетафе"да қолишни исташи аввалроқ хабар қилинганди. Ҳужумчи Испания жамоаси сафида ўнта ўйинда майдонга тушиб, 3 та гол урди ва 3 та голли узатмани амалга оширди.
