«Ювентус» марказий ҳимоячиси Глейсон Бремер «Кальяри»га қарши ўйиндан сўнг журналистлар билан суҳбатлашди.
А Сериянинг 12-туридан ўрин олган ўйинда «бьянконерилар» ғалаба қозонишди (2:1), бразилиялик футболчи 60-дақиқада гол урди.
«Мавсумдаги биринчи голимни ура олмаганимдан ҳафсалам пир бўлганди ва бу ниҳоят бугун амалга ошди.
«Ювентус»даги дебют мавсумим оғир кечди, аммо ҳозир ўзимни жамоа етакчиларидан биридек ҳис қиляпман. Мен яхшиланишга муваффақ бўлдим ва умид қиламанки, худди шу руҳда давом этаман.
«Интер» билан ўйин? Биз улар ажойиб жамоа эканлигини биламиз, лекин қатъиймиз - бу бизнинг кучимиз», - деди марказий ҳимоячи.
