«Yuventus» markaziy himoyachisi Gleyson Bremer «Kalyari»ga qarshi o‘yindan so‘ng jurnalistlar bilan suhbatlashdi.
A Seriyaning 12-turidan o‘rin olgan o‘yinda «byankonerilar» g‘alaba qozonishdi (2:1), braziliyalik futbolchi 60-daqiqada gol urdi.
«Mavsumdagi birinchi golimni ura olmaganimdan hafsalam pir bo‘lgandi va bu nihoyat bugun amalga oshdi.
«Yuventus»dagi debyut mavsumim og‘ir kechdi, ammo hozir o‘zimni jamoa yetakchilaridan biridek his qilyapman. Men yaxshilanishga muvaffaq bo‘ldim va umid qilamanki, xuddi shu ruhda davom etaman.
«Inter» bilan o‘yin? Biz ular ajoyib jamoa ekanligini bilamiz, lekin qat’iymiz - bu bizning kuchimiz», - dedi markaziy himoyachi.
