Англия чемпионатининг ўн иккинчи турида Лондоннинг “Арсенал” жамоаси ўз майдонида “Бёрнли”ни мағлуб этди ва голлардан бирини украиналик ярим ҳимоячи Александр Зинченко киритди. Ўйиндан сўнг у шахсий муваффақияти, шунингдек, клуб томонидан қўлга киритилган уч очко ҳақида фикр билдирди.
"Уч очко олганимиздан хурсандман. Бу биз учун жуда муҳим эди. Биз биламизки, Венсан Компани ўз футболчиларига ўзига хос футбол ўйнашни ўргатмоқчи. Лекин биз имкониятлар яратишга ҳаракат қилдик. "Эмирейтс"даги илк голимни урганимдан хурсандман”, - дея Зинченконинг сўзларини келтиради BBC Sport.
