Angliya chempionatining o‘n ikkinchi turida Londonning “Arsenal” jamoasi o‘z maydonida “Byornli”ni mag‘lub etdi va gollardan birini ukrainalik yarim himoyachi Aleksandr Zinchenko kiritdi. O‘yindan so‘ng u shaxsiy muvaffaqiyati, shuningdek, klub tomonidan qo‘lga kiritilgan uch ochko haqida fikr bildirdi.
"Uch ochko olganimizdan xursandman. Bu biz uchun juda muhim edi. Biz bilamizki, Vensan Kompani o‘z futbolchilariga o‘ziga xos futbol o‘ynashni o‘rgatmoqchi. Lekin biz imkoniyatlar yaratishga harakat qildik. "Emireyts"dagi ilk golimni urganimdan xursandman”, - deya Zinchenkoning so‘zlarini keltiradi BBC Sport.
