Мадриднинг "Реал" клубининг франциялик собиқ бош мураббийи Зинедин Зидан "қироллик клуби"да Лука Модричга қандай қилиб 10-рақам берилганини эслади.
“Реал” бошқарувига келган пайтим 10-рақам жуда ҳам оддий рақамга айланиб қолганини кўрдим. Лекин бу рақам шундай ўйинчида бўлиши керакки, у мукаммал, ҳамма унга ўхшашга интиладиган футболчи бўлиши керак.
Жамоадагилардан бу рақамни кимга беришни сўрадим. Уларга бу рақам деярли ҳеч қачон хато қилмайдиган ва муҳим ўйинларда вазият қийинлашиб қолганда сиз ҳалоскор сифатида қарайдиган футболчида бўлиши керак дедим. Гапимни тугатганимдан сўнг қарасам барча футболчиларнинг нигоҳи Лука Модричда эди”, - деди Зидан.
