Германия терма жамоаси ва Мюнхеннинг "Бавария" клубининг 28 ёшли ҳимоячи ярим ҳимоячиси Жошуа Киммих "Барселона"нинг трансфер мақсади ҳисобланади, дея хабар беради Todofichajes нашри.
Манбага кўра, ярим ҳимоячининг трансфери қишда ёки жорий мавсум охирида амалга ошиши мумкин. Потенциал трансфер қиймати 80 миллион еврога баҳоланмоқда.
Киммих мюнхенликлар сафида 2015 йилнинг ёзидан бери ўйнамоқда, унинг шартномаси 2024/2025 йилги мавсум охиригача амал қилади.
Жозуа Бундеслиганинг жорий мавсумида “Бавария” сафида 9 та ўйин ўтказиб, 3 та голли узатмани амалга оширди.
