"Реал Мадрид" президенти Флорентино Перес Чемпионлар лигасининг янги форматини танқид қилди.
"УЕФА раҳбарияти нотўғри йўналишда кетмоқда. Уларнинг Чемпионлар лигасининг янги моделида кўпроқ ўйинлар ва камроқ ҳаяжон бўлади. Бу бемаъни рақобат. Мухлислар талаби, футболчиларнинг талаби, клублар талабини инобатга олишмаяпти.
УЕФА инновациялар киритмайди ва ривожланишда давом этаётган бошқа спорт турлари, биринчи навбатда, Америка спортлари таҳдидига қандай қарши туришни билмайди. Биз кўплаб йирик корпорациялар мисолларини кўрдик, улар дахлсиз бўлиб туюлди, лекин улар мослаша олмагани учун қулаб тушди.
Суперлига лойиҳаси бошида "Реал Мадрид" бўлмаганида қулайроқ бўларди, лекин буни биздан тарих талаб қилмоқда. Мен Европа Иттифоқи адлия тизимига ишонаман. Менимча, УЕФА Европа футболида монополияга эга бўлмаслиги керак. 21 ноябр куни Суперлига ишидаги қарорни билиб оламиз, футболнинг келажаги бунга боғлиқ. Умид қиламизки, 21 ноябрь футболда янги даврнинг бошланиши бўлади", - деди Перес ESPN нашри билан суҳбатда.
Олдинроқ УЕФА Чемпионлар лигасининг келаси мавсум учун тақвимини янгиланган форматда элон қилган эди.
