"Реал Мадрид"нинг собиқ футболчиси, чилилик Иван Саморано "ПСЖ" ҳужумчиси Килиан Мбаппенинг Мадрид клубида ўйнашига шубҳа билан қарайди. Унинг фикрича, жамоага Жаҳон чемпионатидаги энг яхши тўпурар эмас, балки бошқа турдаги ўйинчи керак.
"Менимча, "Реал"га "тўққизлик"да ўйнайдиган ҳужумчи керак. Мбаппе Холанд эмас, Лаутаро Мартинес эмас, Харри Кейн, Левандовски эмас. "Реал"га Мбаппе эмас, балки "тўққизлик"да ўйнайдиган ҳужумчи керак" - деди Саморано ITASportPress билан суҳбатда.
Эслатиб ўтамиз, Килиан Мбаппе 2017 йилдан буён “ПСЖ” сафида ўйнаб келмоқда, бунгача у “Монако” билан Франция чемпионлигини қўлга киритган эди.
