«Ливерпуль» ҳужумчиси Муҳаммад Салоҳ Англия чемпионатининг 12-тури доирасида бўлиб ўтган «Брентфорд»га қарши ўйинда (3:0) иккита гол муаллифига айланди.

Мисрлик футболчининг Англия клублари таркибида урган голлари сони 200 тага етди. 31 ёшли футболчи «Ливерпуль» сафида 198 та гол урган бўлса, «Челси» формасида 2 гол муаллифига айланган.

Салоҳ мерсисайдликлар таркибида барча мусобақалар доирасида 322та ўйинда майдонга тушиб, АПЛ доирасида 147 гол, еврокубоклар доирасида 44 гол, Англия кубогида 5 гол, Англия лига кубогида ва Англия суперкубогидан биттадан гол урган. Муҳаммад «Челси» сафидаги ҳар икки тўпини АПЛ баҳсида киритган.

Салоҳга энг кўп голли узатмани Роберто Фирмино берган (22 та).