"Реал Мадрид" жамоани кучайтириш учун трансфер бозорини ўрганмоқда. Todofichajes хабарига кўра, "Тоттенхэм" ҳимоячиси Кристиан Ромеро Мадрид грандининг радарида. Қайд этилишича, 25 ёшли аргентиналик футболчини қўлга киритиш учун "қаймоқранглилар" катта пул сарфлашлари керак - "шпорлар" 65 миллион евродан паст бўлган таклифларни ҳам кўриб чиқишмайди.
Кристиан Ромеронинг "Тоттенхэм" билан амалдаги шартномаси 2027 йилнинг ўрталарига қадар мўлжалланган. Ҳимоячи Лондон клуби сафида 75 та ўйин ўтказиб, 3 та гол урди ва битта жамоадошига голли узатма берди.
Эслатиб ўтамиз, 2022 йил охирида Ромеро Аргентина терма жамоаси таркибида жаҳон чемпионига айланганди.
