"Манчестер Юнайтед" раҳбарлари ўзларининг мураббийлик мижозларини клубга таклиф қиладиган агентлардан чарчай бошлашди.

Агентлар "қизил иблислар"га Эрик тен Хаг ўрнига мураббийларни таклиф қилишади. Бироқ манкунианликлар клуби бошлиқлари нидерландиялик мутахассисни қўллаб-қувватлаб, уни алмаштириш ҳақида ўйлашмаяпти.

Айни вақтда "Манчестер Юнайтед" Англия Премьер-лигаси турнир жадвалида олтинчи ўринда бормоқда. Эрик тен Хаг шогирдлари навбатдаги ўйинни 26 ноябрь куни - "Эвертон"га қарши ўтказади. Нидерландиялик мутахассис дисквалификация (ортиқча сариқ карточкалар) туфайли ўйинни ўтказиб юборади.