"Манчестер Юнайтед" ҳужумчиси Расмус Хёйлунд Англия Премьер-лигаси ўйинларида жиддий муаммоларга дуч келмоқда.
20 ёшли футболчи чемпионатнинг тўққизта учрашувида бирор марта ҳам гол ура олмаган. Whoscored статистик портали таъкидлаганидек, бугунги кунда даниялик Европанинг топ-5 лигасидаги барча ўйинчилар орасида гол уриш имкониятларини кўкка совуриш бўйича энг ёмон натижани кўрсатмоқда - саккизта "катта" имкониятдан даниялик бирортасида фойдалана олмаган.
Шу билан бирга, қизиқ томони, Чемпионлар лигасида форвард бундай имкониятларнинг 80 фоизини (тўртта ўйинда бешта гол) амалга оширди - бу турнирдаги иккинчи кўрсаткич.
Эслатиб ўтамиз, Расмус ўтган ёзда “Аталанта”дан 75 миллион евро эвазига “Манчестер Юнайтед”га ўтган эди.
