"Manchester Yunayted" hujumchisi Rasmus Xyoylund Angliya Premyer-ligasi o‘yinlarida jiddiy muammolarga duch kelmoqda.

20 yoshli futbolchi chempionatning to‘qqizta uchrashuvida biror marta ham gol ura olmagan. Whoscored statistik portali ta’kidlaganidek, bugungi kunda daniyalik Yevropaning top-5 ligasidagi barcha o‘yinchilar orasida gol urish imkoniyatlarini ko‘kka sovurish bo‘yicha eng yomon natijani ko‘rsatmoqda - sakkizta "katta" imkoniyatdan daniyalik birortasida foydalana olmagan.

Shu bilan birga, qiziq tomoni, Chempionlar ligasida forvard bunday imkoniyatlarning 80 foizini (to‘rtta o‘yinda beshta gol) amalga oshirdi - bu turnirdagi ikkinchi ko‘rsatkich.

Eslatib o‘tamiz, Rasmus o‘tgan yozda “Atalanta”dan 75 million yevro evaziga “Manchester Yunayted”ga o‘tgan edi.