"Челси" дарвозабони Роберт Санчес жамоанинг кучли томонлари ҳақида ўз фикрлари билан ўртоқлашди.
Якшанба куни бўлиб ўтган АПЛ доирасидаги “Манчестер Сити”га қарши ўйинда (4:4) Маурисио Почеттино шогирдлари ғалаба қозона олмаган бўлса-да, томошабинларни ҳайратга солди.
"Биз «Манчестер Сити» каби жамоа билан тенг шароитларда курашдик. Биламизки, биз қарши ҳужумда жуда яхшимиз. Ўша учрашув ҳеч қачон таслим бўлмаслигингизни кўрсатди. Биз чўққиларга босқичма-босқич кўтарилишда давом этамиз", - дея Санчес сўзларини келтирган Standard.
“Челси” навбатдаги ўйинда “Ньюкасл”га қарши майдонга тушади. Учрашув халқаро танаффусдан сўнг - 25 ноябрь куни бўлиб ўтади.
