"Барселона" ҳужумчиси Жоау Феликс жамоанинг асосий таркибидаги ўрнини йўқотиш хавфи бор.

"Атлетико Мадрид"дан ижарага олинган португалиялик "кўк-анорранглилар" сафидаги дастлабки ўйинларда ўзини жуда яхши кўрсатди, бироқ унинг кўрсаткичлари тезда пасайиб кетди - сўнгги ўнта ўйинда битта ҳам гол ва битта голли узатма йўқ.

"Барселона"нинг бу даврдаги натижалари ҳам яхши эмас, шунинг учун Хави Эрнандес тактик ўзгаришлар ҳақида ўйлаяпти - Феликс уларнинг қурбонига айланиши мумкин, дея хабар беради журналист Хави Мигель. Испаниялик мураббий ўтган мавсумда муваффақият келтирган тўртта ярим ҳимоячи бор таркибига қайтишни режалаштирмоқда. Бу ҳолатда португалиялик ҳужумчи жароҳатидан фориғ бўлгач, унинг ўрнини Френки де Йонг эгаллайди.