"Barselona" hujumchisi Joau Feliks jamoaning asosiy tarkibidagi o‘rnini yo‘qotish xavfi bor.
"Atletiko Madrid"dan ijaraga olingan portugaliyalik "ko‘k-anorranglilar" safidagi dastlabki o‘yinlarda o‘zini juda yaxshi ko‘rsatdi, biroq uning ko‘rsatkichlari tezda pasayib ketdi - so‘nggi o‘nta o‘yinda bitta ham gol va bitta golli uzatma yo‘q.
"Barselona"ning bu davrdagi natijalari ham yaxshi emas, shuning uchun Xavi Ernandes taktik o‘zgarishlar haqida o‘ylayapti - Feliks ularning qurboniga aylanishi mumkin, deya xabar beradi jurnalist Xavi Migel. Ispaniyalik murabbiy o‘tgan mavsumda muvaffaqiyat keltirgan to‘rtta yarim himoyachi bor tarkibiga qaytishni rejalashtirmoqda. Bu holatda portugaliyalik hujumchi jarohatidan forig‘ bo‘lgach, uning o‘rnini Frenki de Yong egallaydi.
