Мадриднинг “Атлетико” клуби бош мураббийи Диего Симеоне айни дамда “Барселона”да ижара асосида ўйнаётган мадридликлар ҳужумчиси Жоау Феликснинг тақдири ҳақида гапирди.
Мутахассиснинг фикрича, Феликс фаолиятини қаерда давом эттирмасин, "Атлетико"га катта фойда келтиради.
"Агар у "Барселона"да қолса, клуб катта миқдорда пул олади, агар у бизга қайтса, жамоа ўйинига ҳисса қўшиши мумкин", - дея Симеоненинг сўзларидан иқтибос келтиради MundoDeportivo.com
Жорий мавсумда 24 ёшли Феликс “Барселона” сафида 14 та ўйин ўтказиб, 3 та гол урди ва 4 та голли узатмани амалга оширди.
