Madridning “Atletiko” klubi bosh murabbiyi Diyego Simeone ayni damda “Barselona”da ijara asosida o‘ynayotgan madridliklar hujumchisi Joau Feliksning taqdiri haqida gapirdi.
Mutaxassisning fikricha, Feliks faoliyatini qayerda davom ettirmasin, "Atletiko"ga katta foyda keltiradi.
"Agar u "Barselona"da qolsa, klub katta miqdorda pul oladi, agar u bizga qaytsa, jamoa o‘yiniga hissa qo‘shishi mumkin", - deya Simeonening so‘zlaridan iqtibos keltiradi MundoDeportivo.com
Joriy mavsumda 24 yoshli Feliks “Barselona” safida 14 ta o‘yin o‘tkazib, 3 ta gol urdi va 4 ta golli uzatmani amalga oshirdi.