Мадриднинг «Реал» клуби ҳимоячи Дани Карвахалга янги шартнома таклиф қилишга тайёр. Бу 31 ёшли футболчи юқори савияда ўйнашда давом этса содир бўлади, деб хабар беради Marca.
Амалдаги меҳнат шартномаси Карвахални «Реал» билан 2025 йилнинг ўрталарига қадар боғлайди. Жорий мавсумда ҳимоячи «Реал» сафида 14 та расмий ўйинда майдонга тушиб, иккита гол урди ва жамоадошларига иккита голли узатма ёздириб қўйди.
Ҳозирда «Реал» Испания Ла Лигаси турнир жадвалида иккинчи ўринда бормоқда. Карло Анчелотти шогирдлари навбатдаги ўйинни 26 ноябрь куни - рақиб майдонида «Кадис»га қарши ўтказади.
