Madridning «Real» klubi himoyachi Dani Karvaxalga yangi shartnoma taklif qilishga tayyor. Bu 31 yoshli futbolchi yuqori saviyada o‘ynashda davom etsa sodir bo‘ladi, deb xabar beradi Marca.
Amaldagi mehnat shartnomasi Karvaxalni «Real» bilan 2025 yilning o‘rtalariga qadar bog‘laydi. Joriy mavsumda himoyachi «Real» safida 14 ta rasmiy o‘yinda maydonga tushib, ikkita gol urdi va jamoadoshlariga ikkita golli uzatma yozdirib qo‘ydi.
Hozirda «Real» Ispaniya La Ligasi turnir jadvalida ikkinchi o‘rinda bormoqda. Karlo Anchelotti shogirdlari navbatdagi o‘yinni 26 noyabr kuni - raqib maydonida «Kadis»ga qarshi o‘tkazadi.
