Хабарингиз бор, 2010 йилдан бошлаб ФИФА томонидан аниқланадиган йилнинг энг яхши футболчиси ва "Франс Футбол" нашри аниқлаб келган "Олтин тўп" совринлари бирлаштирилди. Ўшандан бошлаб, соврин эгаси ФИФАга аъзо мамлакатлар терма жамоаларининг бош мураббийлар, сардорлари ва матбуот котибларининг овозлари ёрдамида аниқлаб келинади.
Натижада аргентиналик Леонель Месси катта фарқ билан сўровномада ғалаба қозонди (41,6%) ва "Олтин тўп"ни кетма-кет тўртинчи марта қўлга киритди.
Қизиқ томон, Ўзбекистон номидан овоз берган ҳар учала номзод ҳам Мессини биринчи, Иньестани иккинчи ўринда кўрсатишган. Учала иштирокчининг 3-ўринда кўрсатган футболчилари турлича. Уларнинг орасида фақат Жепаров Криштиану Роналдуни 3-ўринда кўрсатган.
Миржалол Қосимов, Ўзбекистон терма жамоаси бош мураббийи
1. Леонель Месси
2. Андрес Иньеста
3. Яҳё Туре
Сервер Жепаров, Ўзбекистон терма жамоаси сардори
1. Леонель Месси
2. Андрес Иньеста
3. Криштиану Роналду
Григорий Ртваладзе, ЎФФ матбуот хизмати вакили
1. Леонель Месси
2. Андрес Иньеста
3. Радамель Фалькао
ФИФА маросимига таклиф этилган 3 нафар футболчининг тўплаган овозларини мураббийлар, футболчилар ва ОАВ бўйича таҳлил қиладиган бўлсак, уларнинг фикри деярли бир жойдан чиққанини кўришимиз мумкин. Қуйидаги натижаларга эътибор қаратинг:
|
Футболчилар |
Мураббийлар овози |
Сардорлар овози |
ОАВ овози |
Жами |
|
Леонель Месси |
14,79% |
13,25% |
13,56% |
41,60% |
|
Криштиану Роналду |
7,69% |
7,23% |
8,76% |
23,68% |
|
Андрес Иньеста |
2,66% |
3,33% |
4,92% |
10,91% |
