Жаҳоннинг энг яхши аёл футболчиси ва аёллар жамоаси мураббийи ҳам сўровнома натижасида аниқланади. Унда ФИФАга аъзо мамлакатларнинг аёллар терма жамоалари бош мураббийлари, сардорлари ва федерация матбуот котиблари иштирок этишади.

Йилнинг энг яхши аёл футболчиси дея АҚШлик Эбби Уомба топилган бўлса, энг яхши мураббий номига АҚШ олимпия терма жамоасининг швециялик бош мураббийи Пиа  Сундхаге муносиб деб топилди.

Сўровномада тўпланган овозлар қуйидагича бўлди:
Футболчилар: Эбби Уомба — 20,67%, Марта — 13,50%, Алекс Морган — 10,87%.
Мураббийлар: Пиа Сундхаге — 28,59%, Норио Сасаки — 23,83%, Бини Бруно — 9,02%

Ўзбекистон аёллар терма жамоаси бош мураббийи Владислав Хан ва терма жамоамиз сардори Камола Усмонова ўз овозларини кимларга беришганига эътибор қаратамиз (Ўзбекистон аёллар футболи ассоциацияси матбуот котиби йўқ шекилли). Эътиборли томони, вакилларимиз футболчилар сўровномасида ҳам, мураббийлар сўровида ҳам эътиборни японияликларга қаратишган.

Футболчилар сўровномаси
Владислав Хан, Ўзбекистон аёллар терма жамоаси бош мураббийи
1. Сава Хомаре
2. Марта
3. Эбби Уомба

Камола Усмонова, Ўзбекистон аёллар терма жамоаси сардори
1. Сава Хомаре
2. Марта
3. Ая Мияма

Мураббийлар сўровномаси
Владислав Хан, Ўзбекистон аёллар терма жамоаси бош мураббийи
1. Норио Сасаки
2. Йошида Хироши
3. Стив Суонсон

Камола Усмонова, Ўзбекистон аёллар терма жамоаси сардори
1. Бруно Бини
2. Пиа Сундхаге
3. Йошида Хироши