Тўрт фарзанднинг онаси ноқонуний меҳнат шароитлари туфайли бразилиялик ҳужумчи Неймар устидан шикоят қилди, дея хабар бермоқда RMC Sport нашри.
Форвард "ПСЖ"да ўйнаган пайтда аёл деярли икки йил давомида Париж чеккасидаги Неймарнинг уйида ишлаган.
35 ёшли бразилиялик аёл ҳафтасига етти кун ноқонуний ишлашга мажбур бўлганини айтади. Аёл тўловни фақат нақд пулда олди ва тўртинчи фарзанди туғилишидан икки ҳафта олдин кетишга мажбур бўлди.
У қўшимча иш ҳақи, ҳақ тўланадиган таътил ва тиббий назоратни олмаган.
Аёл меҳнат судига бориб, футболчидан 368 минг евро талаб қилмоқда.
Эслатиб ўтамиз, 31 ёшли Неймар август ойида Саудиянинг "Ал-Ҳилол" клубига ўтган эди.
