"Реал Мадрид" ва "Барселона" президентлари RFEF раҳбариятидан кетишди.
Флорентино Перес ва Жоан Лапорта бугун Испания Қироллик футбол федерацияси (RFEF) директорлар кенгашидан истеъфога чиқди.
Октябрь ойи охирида RFEF президенти вазифасини бажарувчи Педро Рочага йўллаган мактубларида "Реал Мадрид" ва "Барселона" раҳбарлари федерация бошқарув органидаги ўз лавозимларидан истеъфога чиқиш қарорини эълон қилишди.
Қайд этилишича, Роча билан яхши муносабатда бўлган Перес ҳам, Лапорта ҳам бу қарорини федерациядаги сайлов жараёнига аралашмаслик ниятида оқлайди. RFEFнинг янги тўлақонли президенти учун сайловлар яқин ойларда бўлиб ўтади.
