Мадриднинг "Реал" клуби ва Франция терма жамоаси ярим ҳимоячиси Эдуардо Камавинга терма жамоа машғулотлари вақтида жароҳат олди.
L’Equipe нашри хабарига кўра, Камавинга "ПСЖ" ҳужумчиси Усмон Дембеле билан тўқнашувда жароҳат олган. Манбага кўра, "Қироллик клуби" ярим ҳимоячиси машғулотни давом эттира олмади.
Камавинга Франция терма жамоаси сафида 12 та ўйин ўтказиб, битта гол ва битта голли узатмани амалга оширган.
18 ноябрь куни Дидье Дешам шогирдлари 2024 йилги Европа чемпионати саралаш турнири доирасида Гибралтар билан, 21 ноябрь куни эса Греция билан баҳс олиб боради.
