"Милан" ҳимоячиси Алессандро Флоренци Турин прокуратураси томонидан ноқонуний пул тикиш бўйича тергов остида. AGI хабарига кўра, футболчи ўйин ва букмекерлик фаолиятини суиистеъмол қилганликда гумонланувчилар реестрига киритилган.
Унинг “Рома”даги собиқ жамоадоши Николо Дзаньоло, шунингдек, “Милан”нинг собиқ сардори Сандро Тонали ва "Ювентус" вакили Николо Фажоли ҳам худди шу иш юзасидан тергов остида.
Флоренци прокурорларнинг саволларига жавоб бериш учун яқин кунларда Туринга бориши кутилмоқда. Ҳозирда на футболчи, на “Милан” ҳеч қандай изоҳ бергани йўқ.
