Кириш Регистрация

Хабарлар

«Шўртан» «FIFA Fair Play» соврини билан ЎФФни табриклайди

Баҳо:
+ | -

“Шўртан” клуби раҳбарияти, ходимлари, мураббийлар гуруҳи, ўйинчилар ва барча ғузорлик мухлислар юртимиз футбол жамоатчилигини Миллий футбол федерациямизнинг Халқаро футбол уюшмаси томонидан таъсис этилган “Fair Play” – “Ҳалол ўйин” совринини қўлга киритганлиги билан самимий муборакбод этади.

Жаҳон футболининг 2012 йил якунларига бағишланган тадбирда “Энг, энг, энг яхшилар” танловида Ўзбекистон футбол федерацияси ҳам зафар қучганлиги барчамизни қувонтирди. Ахир бу ҳам мустақил Ўзбекистонимизнинг дунё ҳамжамияти томонидан яна бир бор эътироф этилишининг яққол мисолидир.

ЎФФ президенти Мираброр Усмоновга ушбу нуфузли мукофотни FIFA вице-президенти шаҳзода Али бин Хусайн топширди. Мираброр Зуфарович тадбир ташкилотчиларига Халқаро футбол федерациясининг юксак эътирофи учун миннатдорчилик билдириб, 2013 йилги мавсумда ҳам барча-барчага муваффақиятлар тилади.

Биз ҳам ўз навбатида юртимизда фаолият кўрсатаётган барча мураббийлар, футболчилар, мутахассислар ва мухлисларни ушбу нуфузли мукофот билан табриклаймиз. Бундан буён ҳам Ўзбекистон футболининг донғи олам аро янада баралла таралишини тилаб қоламиз!

Манба: www.fcshurtan.uz
Киритилди: 17:53, 08.01.2013.
Ўқилди: 3709 марта.
Фикрлар: 2 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.