"Реал Мадрид"нинг хорватиялик ярим ҳимоячиси Лука Модрич жамоанинг собиқ бош мураббийи, ҳозирда "Сельта"ни бошқараётган Рафаэль Бенитес ҳақида гапирди.
Эслатиб ўтамиз, Бенитес 2015 йилнинг июлидан 2016 йилнинг январигача мадридликлар жамоасини бошқарган.
"У бизнинг услубимизни ўзгартирмоқчи эди, у доимо ўз ғояларини энг тажрибали футболчиларга юклаган. Мен дарҳол бу муаммо бўлиши мумкин деб ўйладим. "Реал Мадрид"да бу иш бермаслигини ҳис қилдим. Ҳаммаси нотўғри йўналишда кетди. Клуб уни алмаштиришга қарор қилганига ҳайрон бўлмадим" - деди Модрич.
13 турдан кейин "Реал" Испания чемпионати турнир жадвалида 32 очко билан иккинчи ўринда бормоқда.
