Италиянинг “Фрозиноне” клубида тўп тепаётган германиялик футболчи Арийон Ибраҳимович, гарчи у Болқондан (аниқроғи, тан олинмаган Косоводан) келган муҳожирлар оиласида туғилган бўлса ҳам, Златан Ибраҳимовичнинг қариндоши эмас. У Златан билан кўришишни исташини айтди.
"Бу менинг оиламнинг фамилияси, мен нима қила оламан? Лекин мен футболда бундай фамилия нимани англатишини тушунаман. Яширмайман, Германияда футбол ўйнашни бошлаганимда, бу ном қизиқ эканини ҳис қилгандим. Златан мен учун намуна. Худди Криштиану Роналду каби. "Мен у билан учрашиб, қўл бериб кўришни истардим", - дея футболчи сўзларини келтирган ITASportPress.
