«Реал Мадрид» қишки трансфер ойнасида жамоани кучайтириш устида ишламоқчи. Бу қарорга «қироллик» клубининг касалхонаси тўлиб кетгани сабаб бўлган.

Тибо Куртуа, Эдер Милитао, Дани Себальос, Аурелиен Тчуамени, Жуде Беллингем, Эдуардо Камавинга ва Винисиус Жуниор жароҳати сабаб майдонга туша олмайди.

Todofichajes'нинг сўзларига кўра, «қироллик клуби» кўп қиррали ярим ҳимоячи билан шартнома имзоламоқчи ва ҳужумчи ҳам қидирмоқда. «Реал Мадрид»нинг янги футболчилари номзодлари ҳали эълон қилинмаган.

Ла Лиганинг жорий мавсумида Мадрид клуби 32 очко жамғариб, пешқадам «Жирона»дан 2 очко ортда қолган ҳолда иккинчи ўринда бормоқда.