Ҳимоячи Рафаэль Варан "Манчестер Юнайтед"нинг асосий таркибидаги ўрнини йўқотди, бу эса футболчи ва жамоа бош мураббийи Эрик тен Хаг ўртасида юзага келиши мумкин бўлган можаро ҳақида хабарлар пайдо бўлишига сабаб бўлди.
Бироқ, The Athletic нашри хабарига кўра, Вараннинг позицияси фақат футбол сабабларга кўра. Шу тариқа, чап марказий ҳимоячи позициясида тен Хаг чап оёғи билан ўйнайдиган ўйинчига эга бўлишни афзал кўради. Яна қайд этилишича, Варан прогрессив паслар бериш, яъни ҳужумга ўтиш вазифасини яхши бажара олмайди.
"Манчестер Юнайтед" ҳозирда АПЛ турнир жадвалида олтинчи ўринни эгаллаб турибди.
