Англия терма жамоаси бош мураббийи Гарет Саутгейт Мальтага қарши ўйинда жамоасининг ўйинидан унчалик мамнун эмаслигини тан олди.
Инглизлар саралаш гуруҳининг асосий аутсайдерини Энрико Пепенинг автоголи ва Харри Кейннинг аниқ зарбаси эвазига мағлуб этишди.
"Баъзида ўйинни яхши бошламасангиз, ўйинга киришиш қийин. Биз яхшироқ ўйнашимиз мумкинлигини ва бундан ҳам яхшироқ ўйнашимиз кераклигини биламиз. Бугун жамоа бу йил бошида қилган муваффақиятига эриша олмади. Гол уриш учун етарлича имкониятлар яратилмади”, деди “Уч шерлар” мураббийи ўйиндан кейинги интервьюсида.
