Лондоннинг “Челси” клуби ярим ҳимоячиси Коул Палмер илк бор Англия терма жамоаси сафида майдонга тушди.
21 ёшли футболчи Евро-2024 саралаш босқичи доирасида Мальтага қарши ўйиннинг 61-дақиқасида Маркус Рэшфорд ўрнига майдонга тушди. Палмер учун бу асосий терма жамоадаги дебют ўйини. У аввалроқ “Уч шерлар” сафида 21 ёшгача, 18 ёшгача, 17 ёшгача, 16 ёшгача ва 15 ёшгача бўлган тоифаларда ўйнаган ва улар таркибида жами 59 та ўйин ўтказиб, 7 марта гол урган.
Коул Палмер жорий мавсум “Челси” сафида 14 та ўйинда майдонга тушиб, 6 та гол ва 4 та голли узатмага муаллифлик қилган. Ўтган ёзда ҳужумкор ярим ҳимоячи Лондон клубига "Манчестер Сити"дан кўчиб ўтганди.
