Норвегия терма жамоаси ҳужумчиси Эрлинг Холанд Европа чемпионати саралаши доирасидаги Шотландия билан бўладиган ўйинда иштирок этмайди.

Норвегия терма жамоасининг расмий сайти бу маълумотни тасдиқлади.

Норвегия терма жамоаси ўз баёнотида Холанднинг жароҳати жиддий эмаслигини айтди. Ҳужумчи тиззасидан енгил жароҳат олган ва Шотландия терма жамоаси билан ўйингача вақтида тикланишга улгурмайди.

Эслатиб ўтамиз, Норвегия айни дамда Европа чемпионати саралаш гуруҳида учинчи ўринни эгаллаб турибди. Шотландия иккинчи ўринда, бу эса турнирга тўғридан-тўғри йўлланмани қўлга киритиш имконини беради. Норвегияликлар шотландлардан 6 очкога ортда қолмоқда.