"Монако" ярим ҳимоячиси Юсуф Фофана "Манчестер Юнайтед" қизиқишлари доирасига тушиб қолди, дея хабар бермоқда Todofichajes нашри.
Манбага кўра, "манкунианликлар" 24 ёшли франциялик футболчини келаси қишда Саудия Арабистонига сотиб юборилиши мумкин бўлган бразилиялик Каземирога ўринбосар сифатида кўрмоқда. Агар бу келишув амалга ошса, Фофана январь ойидаги трансфер ойнасида "қизил иблислар"нинг асосий мақсадига айланади.
Франциялик футболчининг "Манчестер Юнайтед"га ўтиш эҳтимоли 25 миллион еврога баҳоланмоқда. Унинг "монегасклар" билан амалдаги шартномаси 2025 йилнинг июнь ойи охиригача мўлжалланган.
