Ҳар йили Италияда ўтказиладиган "Копа Карнавале" кубогига қуръа ташланди. Анъанавий мусобақада Тошкентнинг "Пахтакор" клуби ёшлари иштирок этиб келишидан хабарингиз бор.

Виарежжо шаҳрида 65-маротаба ўтказиладиган мусобақага қуръа ташланди ва "Пахтакор" 7-гуруҳда Италиянинг "Аталанта" ва "Сиена", Македониянинг "Беласика Струмица клублари билан бир гуруҳдан жой олди.

Мусобақа 11 февраль куни бошланади ва 25 февралгача давом этади. Турнирда 1993 йилда туғилган ва ундан кичик ёшдаги футболчилар иштирок этиши кўзда тутилган.

Қуръа натижалари билан танишинг:

"A" гуруҳи
1-гуруҳ: "Ювентус", "Марибор" (Словения), "Авелино", "Апиа Лиеххардт" (Австралия).
2-гуруҳ: "Интер", "Ногус ал-Мустабал" (Миср), "Виртус Энтелла", "Мельбурн Фоникс" (Австралия).
3-гуруҳ: "Торино", "Хонефоос" (Норвегия), "Ситта ди Марино", "Депортес Консепсио" (Чили).
4-гуруҳ: "Сампдория", Ливия (U-18), "Варесе", "Ол Бойс" (Аргентина).
5-гуруҳ: "Женоа", "Рижека" (Хорватия), "Парма", Сантос Лагуна" (Мексика).
6-гуруҳ: D-серия терма жамоаси, "Андерлехт" (Белгия), "Режжина", "Цесна Гуаякул" (Эквадор)

"B" гуруҳи
7-гуруҳ: "Аталанта", "Беласика Струмика" (Македония), "Сиена", "Пахтакор" (Ўзбекистон)
8-гуруҳ: "Фиорентина", "Нордшеллан" (Дания), "Падова", "Насьонал" (Парагвай).
9-гуруҳ: "Милан", "Ньюкасл", "Эсполи", Конго (U-17).
10-гуруҳ: "Наполи", "Хонвед" (Венгрия), "Лессе", "Лиас Нью Йорк" (АҚШ).
11-гуруҳ: "Рома", "Спартак" (Россия), "Специя", "Лонг Исланд" (АҚШ).
12-гуруҳ: "Лацио", "Стелла Росса" (Сербия), "Юве Стабия", "Мутуал" (Уругувай)