Ўзбекистон миллий терма жамоаси ва "Кальяри" ҳужумчиси Элдор Шомуродов Эронга қарши ўйин олдидан ўтказилган машғулотларда журналистлар саволларига жавоб қайтарди.
"Жамоа олдинда муҳим ва қийин ўйин кутиб турганини яхши билади. Футболчилар ўйинга тайёр. Ўз майдонимизда мухлислар ёрдами билан ғалаба учун майдонга чиқамиз. Жамоанинг ҳозирги кайфияти ажойиб. Эрондаги йўқотишлар уларнинг ўйинига таъсир қиладими ёки йўқ билмайман. Худога шукр, таркибимизда ҳамма ўйинга тайёр, жароҳатлар йўқ. Туркманистонда муҳими 3 очкога эришдик, шундай қийин ўйинлар бўлиб туради. Майдон сифати ҳақида гапирмоқчи эмасман, иккала жамоа ҳам бир хил шароитда ўйнади. Ҳозир фақат кейинги ўйин ҳақида ўйлаяпмиз. Азмун билан ҳозирча гаплашганим йўқ", - деди терма жамоамиз сардори.
Эслатиб ўтамиз, Ўзбекистон – Эрон учрашуви 21 ноябрь куни Тошкент вақти билан 18:00'да старт олади.
