O‘zbekiston milliy terma jamoasi va "Kalyari" hujumchisi Eldor Shomurodov Eronga qarshi o‘yin oldidan o‘tkazilgan mashg‘ulotlarda jurnalistlar savollariga javob qaytardi.
"Jamoa oldinda muhim va qiyin o‘yin kutib turganini yaxshi biladi. Futbolchilar o‘yinga tayyor. O‘z maydonimizda muxlislar yordami bilan g‘alaba uchun maydonga chiqamiz. Jamoaning hozirgi kayfiyati ajoyib. Erondagi yo‘qotishlar ularning o‘yiniga ta’sir qiladimi yoki yo‘q bilmayman. Xudoga shukr, tarkibimizda hamma o‘yinga tayyor, jarohatlar yo‘q. Turkmanistonda muhimi 3 ochkoga erishdik, shunday qiyin o‘yinlar bo‘lib turadi. Maydon sifati haqida gapirmoqchi emasman, ikkala jamoa ham bir xil sharoitda o‘ynadi. Hozir faqat keyingi o‘yin haqida o‘ylayapmiz. Azmun bilan hozircha gaplashganim yo‘q", - dedi terma jamoamiz sardori.
Eslatib o‘tamiz, O‘zbekiston – Eron uchrashuvi 21 noyabr kuni Toshkent vaqti bilan 18:00'da start oladi.
