"Ливерпуль" ва Англия терма жамоасининг собиқ футболчиси, ҳозирда "Ал-Иттифоқ" бош мураббийи Стивен Жеррард Криштиану Роналдунинг "Ан-Наср"га ўтиши Саудия Арабистони Про-лигаси ривожи учун жуда муҳим эканини таъкидлади.
"Роналдунинг трансфери - тарихдаги энг яхши футболчи, биз уни шундай атаймиз - бу жуда катта трансфер бўлди. У ҳали футболга кўп нарса бериши керак.
Олти ой давомида Роналдунинг ўйинларини томоша қилдим, баъзи ўйинлар ва ўйинлар шарҳларини кўрдим. Ўйлайманки, ўшандан бери кўпчилик бу лига ҳақида гапира бошлади. Роналду келгач, бу ерга бошқа машҳур ва иқтидорли футболчилар ҳам боришди. Бу мен ўзимни ишсиз деб топиб, янги имконият қидирган вақтга тўғри келди. Узоқдан томоша қилиб, ҳайратда қолдим. Агент ушбу минтақадан бир нечта вариантни таклиф қилганида, мен уларни ўрганишдан жуда хурсанд бўлдим", - деди Жеррард Саудия Про-лигаси матбуот хизматига.
