"Liverpul" va Angliya terma jamoasining sobiq futbolchisi, hozirda "Al-Ittifoq" bosh murabbiyi Stiven Jerrard Krishtianu Ronalduning "An-Nasr"ga o‘tishi Saudiya Arabistoni Pro-ligasi rivoji uchun juda muhim ekanini ta’kidladi.
"Ronalduning transferi - tarixdagi eng yaxshi futbolchi, biz uni shunday ataymiz - bu juda katta transfer bo‘ldi. U hali futbolga ko‘p narsa berishi kerak.
Olti oy davomida Ronalduning o‘yinlarini tomosha qildim, ba’zi o‘yinlar va o‘yinlar sharhlarini ko‘rdim. O‘ylaymanki, o‘shandan beri ko‘pchilik bu liga haqida gapira boshladi. Ronaldu kelgach, bu yerga boshqa mashhur va iqtidorli futbolchilar ham borishdi. Bu men o‘zimni ishsiz deb topib, yangi imkoniyat qidirgan vaqtga to‘g‘ri keldi. Uzoqdan tomosha qilib, hayratda qoldim. Agent ushbu mintaqadan bir nechta variantni taklif qilganida, men ularni o‘rganishdan juda xursand bo‘ldim", - dedi Jerrard Saudiya Pro-ligasi matbuot xizmatiga.
