Хвича Кварацхелия Грузия терма жамоаси сафида қаторасига 4-учрашувида гол урди.

Қанот вингери Евро-2024 саралашида Испанияга қарши ўйиннинг 10-дақиқасида ҳисобни тенглаштирганди.

12-октябрдан буён “Наполи” шарафини ҳимоя қилаётган футболчи Грузия терма жамоаси сафида 4 та ўйинда 5 та гол урди ва битта голли узатмани ҳам амалга оширди. У бугунги кунга қадар Таиланд (8:0), Кипр (4:0) ва Шотландия (2:2) билан ўйинларда ҳам ўзини кўрсатди.

Кварацхелия терма жамоа тўпурарлари рўйхатида Александр Иашвилига етиб олди - 15 та гол билан учинчи ўринни бўлишиб турибди. Фақат Темури Кецбай (17) ва Шота Арвеладзе (27) ундан кўпроқ гол урган.