"Аталанта"да ижара асосида тўп тепаётган "Милан" ярим ҳимоячиси Шарл де Кетеларе Англия Премьер-лигаси клублари эътиборини тортди.
Бельгиялик футболчи "Брюгге"дан кўчиб ўтган дебют мавсумида ўзини "Милан"да кўрсата олмади, шу боис ўтган ёзда "Аталанта"га ижарага берилди. 22 ёшли футболчининг бергамоликлар жамоасидаги ўйинлари аллақачон грандлар эътиборини тортган – уни Англиянинг “Манчестер Юнайтед” ва “Арсенал” клублари кузатиб бормоқда.
Эслатиб ўтамиз, "Аталанта" "Милан"дан Шарль де Кетеларени сотиб олиши мумкин - келишув шундай вариантни назарда тутади. Transfermarkt портали ҳужумкор ярим ҳимоячининг ҳозирги трансфер қийматини 25 миллион еврога баҳоламоқда.
