"Atalanta"da ijara asosida to‘p tepayotgan "Milan" yarim himoyachisi Sharl de Ketelare Angliya Premyer-ligasi klublari e’tiborini tortdi.
Belgiyalik futbolchi "Bryugge"dan ko‘chib o‘tgan debyut mavsumida o‘zini "Milan"da ko‘rsata olmadi, shu bois o‘tgan yozda "Atalanta"ga ijaraga berildi. 22 yoshli futbolchining bergamoliklar jamoasidagi o‘yinlari allaqachon grandlar e’tiborini tortgan – uni Angliyaning “Manchester Yunayted” va “Arsenal” klublari kuzatib bormoqda.
Eslatib o‘tamiz, "Atalanta" "Milan"dan Sharl de Ketelareni sotib olishi mumkin - kelishuv shunday variantni nazarda tutadi. Transfermarkt portali hujumkor yarim himoyachining hozirgi transfer qiymatini 25 million yevroga baholamoqda.













