"Милан"нинг собиқ ҳужумчиси Златан Ибрагимович "Формула-1" бўйича Феррари жамоасининг ашаддий мухлиси эканлигини тан олди. Ибрагимович Лас-Вегас Гран-присига ташриф буюрди, унда "Ред Булл" пилоти Макс Ферстаппен ғолиб чиқди.
"Феррари - менинг жамоам", - дея Ибраҳимович сўзларидан иқтибос келтиради Mirror нашри.
Ибраҳимович ўзининг ижтимоий тармоқларида Лас-Вегас Гран-приси майдончасида "Скудерия" ходимлари билан суратга тушган видеони ҳам жойлаштирди.
"Менинг механикларим", деб ёзган Златан.
Феррари ҳозирда конструкторлар чемпионатида 388 очко билан учинчи ўринда бормоқда. Италия жамоасининг иккинчи ўрин учун курашдаги асосий рақиби Германиянинг “Мерседес” пойга жамоаси ҳозирда 392 очкога эга. "Ред Булл" совринни муддатидан олдин қўлга киритди (822 очко). “Формула-1”нинг якуний босқичи – Абу-Даби Гран-приси 24—26-ноябрь кунлари бўлиб ўтади.
