"Милан"нинг португалиялик ҳужумчиси Рафаэль Леау отаси ҳаётидаги асосий шахс эканлигини тан олди. Рафа доимо у билан маслаҳатлашиб, энг қимматли кўрсатмаларни отасидан олади.

"Отам менга ҳар доим энг яхши маслаҳатларни беради. У ҳеч қачон таслим бўлмайди, доим мени қўллаб-қувватлайди, менга ишонади. "Спортинг"да шундай пайт бўлдики, улар менга бошқа клуб излашимни айтишди. Мен Анголага олти ойга қайтиб келдим ва у ерда отам билан бирга ҳамма нарсани тўғри тушуна олдим", - деди Леау pianetamilan.it билан суҳбатда.

Эслатиб ўтамиз, португалиялик ҳужумчи ҳозирги жамоасида 2019 йилдан буён тўп сурмоқда.