"Барселона" ва Бразилия терма жамоасининг собиқ футболчиси Роналдиньо қарзлари туфайли мулкининг бир қисмини йўқотиши мумкин.
Mail Sport нашри хабарига кўра, машҳур собиқ футболчи Бразилия солиқ идораларидан маълум миқдорда қарздор. Маълум қилинишича, 43 ёшли Роналдиньодан қарзини тўлаш учун иккита йирик кўчмас мулк олиб қўйилиши мумкин.
Эслатиб ўтамиз, бразилиялик футболчи фаолияти давомида Европанинг етакчи клубларида, жумладан, “Барселона”, “ПСЖ” ва “Милан” клубларида ўйнаган.
Айтиш жоизки, Роналдиньо 2005 йилда қўлга киритган "Олтин тўп" соҳиби ҳисобланади.
