Англия терма жамоаси ва “Астон Вилла” ҳужумчиси Олли Уоткинс Англия терма жамоасининг ҳозирги кучи ҳақида ўз фикри билан ўртоқлашди.

"Менимча, биз жуда яхши формадамиз. Биз саралаш гуруҳида мағлубиятсиз қолдик ва етакчи ўрнимизни сақлаб қолдик, шунинг учун бу ерда ҳеч қандай салбий нарса йўқ - фақат ижобий. Гарчи Шимолий Македонияга қарши ўтган ўйинда (0:0) ғалаба қозона олмаган бўлсак-да, барибир яхши ўйнадик ва кўплаб вазиятлар яратдик. Лекин ҳеч нарса бекорга берилмайди.

Евро-2024даги бошқа жамоалар бизни қандай қабул қилади? Улар биз билан ўйнашдан қўрқишади. Биз дунёнинг энг яхши жамоалариданмиз. Бизда жаҳон даражасидаги ўйинчилар бор, шунинг учун биз, шубҳасиз, бошқа жамоалар учун қўрқув омилимиз", - деди Уоткинс Evening Standard билан суҳбатда.